Jenny McLean tfakkar lil Nidiya

Il-ġonna komunitarji ta' Boundary Way jinsabu mitejn jarda (183 metru) 'l bogħod mid-dar tiegħi. Ilbieraħ mort hemm u ltqajt ma' raġel Ġamajkan jismu Tony McLean u bdejna nitkellmu dwar dan il-proġett. Qalli li martu Jenny kienet qed tattendi l-funeral ta' Nidiya, l-akbar ħabiba tagħha, li kienet għadha kemm mietet bil-COVID-19. Tkellimt magħha dalgħodu u aċċettat li niltaqgħu fil-ġonna komunitarji u nitkellmu, għaliex hemmhekk issib ħafna solliev. Hi ħassitha kważi fiżikament marida meta attendiet il-funeral ta' ħabibtha, u bdiet tiftakar it-33 sena li matulhom Nidiya kienet l-ikbar ħabiba tagħha. Donnu li s-suwed u l-Asjatiċi huma l-aktar komunitajiet li ntlaqtu bil-marda fil-belt ta' Wolverhampton.