Meta l-Ħitan Jitkellmu!
Kartelluni • promozzjoni, propaganda u protesta
30 ta' April 2022 – Novembru 2022
Il-kartellun illustrat twieled fl-Ewropa lejn l-aħħar tas-seklu 19. Huwa riflessjoni ta' dinja dejjem aktar kummerċjalizzata u, aktar tard, ideoloġiji politiċi kunfliġġenti. Bid-daqs u l-preżenza impressjonanti tagħhom, il-kartelluni ddominaw l-ispazju pubbliku u għenu fit-tiswir tal-pajsaġġ urban. Il-kartelluni huma effimeri, prodotti għal mument speċifiku, iżda ħafna elementi huma riċiklati u għandhom riżonanza fil-memorja kulturali tal-lum. Mill-propaganda tal-Gwerer Dinjija u l-Gwerra Bierda sal-isplużjoni tal-iskambji kulturali, it-turiżmu u t-twelid ta' movimenti soċjali pluralisti wara t-Tieni Gwerra Dinjija, f'"When Walls Talk" (Meta l-Ħitan Jitkellmu) joħorġu livelli kumplessi ta' firda u għaqda fl-Ewropa permezz ta' għażla ta' kartelluni mill-kollezzjoni ta' Dar l-Istorja Ewropea. Dawn jirriflettu l-iżvilupp u t-trasformazzjoni tal-isfera pubblika fil-bliet Ewropej, filwaqt li jesploraw il-bidliet sinifikanti fl-istorja tad-disinn tal-kartelluni Ewropej, kif ukoll il-paralleli transnazzjonali, il-korrelazzjonijiet u l-interrelazzjonijiet tagħhom.
Kontenut tal-wirja
L-Introduzzjoni tiddeskrivi r-rwol tal-kartelluni fil-ħajja pubblika Ewropea u tistieden lill-viżitaturi jirriflettu fuq diversi approċċi lejn il-kontinent, kemm bħala żona ġeografika kif ukoll bħala kunċett.
It-taqsima Taqlib u għaqda tittraċċa r-rwol tal-kartelluni bħala aġenti u xhieda tal-laqgħat u l-konfrontazzjonijiet ideoloġiċi li sawru l-istorja tal-Ewropa sa mill-Ewwel Gwerra Dinjija. It-titlu huwa referenza għall-antagoniżmu u t-tensjonijiet li fuqhom kienu bbażati t-taqbidiet ideoloġiċi u l-kunflitti armati fl-Ewropa tul is-seklu 20, iżda min-naħa l-oħra jesprimi wkoll ir-rieda ta' kooperazzjoni u progress permezz ta' sforzi paċifiċi u reċiproċi.
It-taqsima li jmiss, Ostakli u konnessjonijiet, teżamina n-natura doppja tal-fruntieri, il-fatt li dawn jistgħu jkunu ostakli kemm fiżiċi kif ukoll kunċettwali, mibnija jew fiżiċi. L-Ewropa hija ċentrali fid-dibattiti li għaddejjin dwar il-migrazzjoni u d-drittijiet tal-bniedem, minn naħa, u s-sovranità nazzjonali u l-protezzjoniżmu, min-naħa l-oħra. Hija meqjusa kemm bħala rifuġju tad-drittijiet tal-bniedem kif ukoll bħala fortizza krudili. L-avvenimenti kulturali, l-isport, il-festivals u l-fieri għandhom l-għan li jirriflettu soċjetà ideali, u b'hekk jikkontribwixxu għad-definizzjoni tal-aspetti soċjali, kulturali, ekonomiċi u privati tal-identità Ewropea.
Attiviżmu u protesti teżamina kartelluni ta' ribelljoni bħala l-mezzi ideali għar-rivendikazzjonijiet politiċi u xhieda prezzjuża tal-ġlieda favur id-drittijiet tal-bniedem. Il-kuntrast kumpless ta' rivendikazzjonijiet politiċi, kunflitti ta' interess u ideat ta' ekwità dejjem aktar differenti fl-Ewropa ta' wara l-gwerra hija r-riżultat tal-pluraliżmu u l-polarizzazzjoni li teżisti fis-soċjetajiet moderni.
![Neon writing - after the poster section](https://historia-europa.ep.eu/sites/default/files/styles/grid_item_large/public/05_1.jpg?itok=Hzu0IDd6×tamp=1645454695 "Mock-up of "After the Poster" section")
L-aħħar taqsima tal-wirja ġġib l-isem Wara l-kartellun? u tistaqsi dwar ir-rwol tal-kartelluni issa u fil-futur. Minkejja l-avvanzi diġitali tas-seklu 21, il-kartelluni għadhom jintużaw biex jinfluwenzaw l-imġiba u l-alleanzi tagħna. Din it-taqsima tinkludi xogħlijiet tal-arti, għax l-arti sikwit tħeġġiġna nirriflettu dwar l-eżistenza tagħna u l-ambjent li ngħixu fih.
Introduzzjoni
Europa Regina
Johannes Putsch (1516–1542)
It-Tirol, is-Sagru Imperu Ruman, 1534
Museum Retz, l-Awstrija
Europa!
Carmen Moreno (imwielda fl-1964)
Kartellun għall-elezzjonijiet tal-Parlament Ewropew
Spanja/in-Netherlands, 1999
Istanbul bye bye!
Uwe Loesch (imwieled fl-1943)
Il-Ġermanja, 2006
Taqlib u għaqda
![Britons [Lord Kitchener] wants You. Join Your Country’s Army!](https://historia-europa.ep.eu/sites/default/files/styles/grid_item_large/public/2_britons.jpg?itok=OBfD6Lv5×tamp=1650628089 "Britons [Lord Kitchener] wants You. Join Your Country’s Army!")
Britons [Lord Kitchener] wants You. Join Your Country’s Army!
Alfred Leete (1882–1933)
Ir-Renju Unit, 1914
Replika
Imperial War Museum, Londra, ir-Renju Unit
Dan Mladosti
(Youth Day)
Novi kolektivizem (NK)
Ir-Repubblika Soċjalista Slovena, il-Jugoslavja, 1987
Einheit Europas so oder so
(European unity one way or the other)
Kartellun pro-Ewropew, anti-Komunista
iffirmat bl-inizjali M G
Il-Ġermanja tal-Punent, madwar l-1950
Europe – All Our Colours to the Mast
Reyn Dirksen (1924–1999)
L-ewwel premju tal-kompetizzjoni
In-Netherlands, 1950
Rakennetaan Eurooppaa ydhessä
(Building Europe Together)
Disinjatur: FreeForm
Kartellun li jiċċelebra 40 sena mit-Trattat ta' Ruma
Il-Belġju, 1997
Ostakli u konnessjonijiet
Frontières = Répression
(Borders = Repression)
Atelier populaire
Pariġi, Franza, Mejju 1968
Trans Europ Express verbindet 70 Städte Europas
(Trans Europ Express connects 70 cities in Europe)
Jan Rodrigo (1921–2013)
In-Netherlands, 1957
Le- és felszállásnál legyünk körültekintőek
(Be careful when getting on and off the train)
L-Ungerija, 1964
Europe. Fly Irish Air lines
Piet Sluis (1929–2008)
L-Irlanda, madwar l-1955
Olympic Games, Berlin 1936
Franz Theodor Würbel (1858 –1943)
Il-Ġermanja, 1936
Attiviżmu u protesti
Madonna and Christ with rainbow halos
Elżbieta Podleśna (imwielda fl-1968)
Il-Polonja, 2019
Je suis Charlie
(I am Charlie)
Joachim Roncin (imwieled fl-1976)
Franza, 2015
Voice of democracy in danger!
Doğan Arslan
It-Turkija/is-Slovakkja, 2018
![Cardiogram [Seismograph]](https://historia-europa.ep.eu/sites/default/files/styles/grid_item_large/public/4_cardiogram.jpg?itok=eXBOe3L8×tamp=1650629460 "Cardiogram [Seismograph]")
Cardiogram [Seismograph]
Czeslaw Bielecki (imwieled fl-1948)
Il-Polonja, 1980
Europejskie Centrum Solidarności, Gdańsk, il-Polonja
Frieden ist möglich!
(Peace is possible!)
Wolfgang Janisch
Il-Ġermanja tal-Lvant, 1988
Stiftung Haus der Geschichte, Zeitgeschichtliches Forum Leipzig, il-Ġermanja
Wara l-kartellun?
Intervista ma' Rab Harling dwar is-serje ta' ritratti "Abandon your Dreams". Iffilmjata minn Shosho għall-wirja temporanja ta' Dar l-Istorja Ewropa bit-titolu "Meta l-Ħitan Jitkellmu! Kartelluni • promozzjoni, propaganda u protesta".
Commercial Road
Rab Harling (imwieled fl-1972)
Il-Gran Brittanja, 2009–2010/2022
Abandon Your Dreams
Rab Harling (imwieled fl-1972)
Il-Gran Brittanja, 2009–2010/2022
Abandon Your Dreams
Rab Harling (imwieled fl-1972)
Il-Gran Brittanja, 2009–2010/2022
Rue du fort Bourbon, Luxembourg, 1998
(Fort Bourbon Street, Luxembourg, 1998)
Jacques Villeglé (imwieled fl-1926)
Musées de la Ville de Luxembourg
X'hemm x'titgħallem
Il-kartelluni jservu ta' mezzi ta' informazzjoni, iżda anke ta' edukazzjoni u saħansitra manipulazzjoni. Jirriflettu t-taqbidiet tas-soċjetà għall-ideat, il-poter jew il-ġid u jagħtu vuċi qawwija liċ-ċittadini dwar kwistjonijiet soċjali, kulturali u politiċi differenti. Fi kliem ieħor, il-kartelluni jistgħu jkunu aġenti u xhieda tal-konfrontazzjonijiet ideoloġiċi fl-istorja tal-Ewropa, billi jirriflettu s-sitwazzjoni tal-mument u joffrulna ġabra rikka ta' stejjer Ewropej. Għalhekk, is-suġġett huwa għodda xierqa kemm għaċ-ċittadini kif ukoll għall-istudenti żgħażagħ biex jissaħħaħ il-litteriżmu medjatiku, u jgħin biex tiġi esplorata l-evoluzzjoni storika tal-isfera pubblika Ewropea.
Il-programm ta' When Walls Talk għandu l-għan li jipprovdi interazzjoni sinifikanti mal-udjenza u komponenti ta' tagħlim b'saħħithom li jgħinu lill-viżitaturi jikkuntestwalizzaw dawn il-kartelluni. Mill-idea tal-kartellun sal-impatt tiegħu, x'kien il-kuntest storiku tal-kartellun? Min ipproduċih? Għal min kien maħsub? Dan il-programm se jkun spazju għall-udjenzi biex jużaw multipliċità ta' stili u perspettivi ta' tagħlim. F'termini ta' żoni interattivi speċifiċi, il-wirja se tinkludi:
"Ejja niddisinjaw kartellun flimkien!" tistieden lill-viżitaturi joħolqu l-kartellun tagħhom permezz ta' frammenti viżwali minn xi kartelluni fil-wirja, joħolqu slogans oriġinali u jsegwu r-regoli tad-disinn għal kartellun b'saħħtu, lest biex jintwera fuq skrin fil-wirja.
![Colourful diploma for completing task](https://historia-europa.ep.eu/sites/default/files/styles/grid_item_large/public/gallery04.jpg?itok=usG6jle0×tamp=1645549862 "Diploma from "Finding links" activity")
"Sib ir-rabtiet!" – Il-viżitaturi jingħataw l-isfida li jikkuntestwalizzaw xi kartelluni li jkunu għadhom kif raw fil-wirja. Jintalbu jorbtu kartellun mal-immaġni storika korretta li tirrappreżenta l-kuntest, il-produttur jew l-udjenza intenzjonata tiegħu – vjaġġ pjaċevoli fiż-żarbun ta' storiku.
"Il-ħitan jitkellmu... u int, x'għandek xi tgħid?" jintroduċi lill-iskejjel primarji għall-aktar mumenti importanti fl-istorja tal-Ewropa. Tiġi indirizzata wkoll il-mistoqsija dwar jekk tistax tafda l-istampa mogħtija minn kartellun, u b'hekk l-istudenti jingħataw l-għodod biex janalizzaw kwalunkwe immaġni mill-passat. L-istudenti tal-iskejjel sekondarji jkollhom il-possibbiltà li jitgħallmu dwar l-istorja tal-Ewropa permezz ta' kartelluni li jittrattaw id-drittijiet tal-bniedem, il-migrazzjoni, l-elezzjonijiet Ewropej, il-kunflitti, kif ukoll avvenimenti kulturali u sportivi.