INFORMAZZJONI ĠENERALI
ĦINIJIET TAL-FTUĦ
Dar l-Istorja Ewropea tiftaħ kuljum.
| It-Tnejn | 13:00 - 18:00 |
| It-Tlieta - Il-Ġimgħa | 09:00 - 18:00 |
| Is-Sibt - Il-Ħadd | 10:00 - 18:00 |
L-aħħar dħul huwa fis-17:30
VJAĠĠI U TKEJL
Dar l-Istorja Ewropea se tkun magħluqa fil-btajjel li ġejjin:
| l-1 ta' Jannar |
| l-1 ta' Mejju |
| l-1 ta' Novembru |
| l-24, il-25 u l-31 ta' Diċembru |
APPOĠĠ GĦAŻ-ŻJARA TIEGĦEK
Sabiex ikollok esperjenza sikura u pjaċevoli f'Dar l-Istorja Ewropea, jekk jogħġbok aqra l-informazzjoni li ġejja hawn taħt. Nistennew bil-ħerqa li nilqgħuk!
Tista' tesperjenza Dar l-Istorja Ewropea b'kull waħda mill-24 lingwa uffiċjali tal-UE. Dan isir permezz ta' tablets li jipprovdu gwida interattiva għall-mużew u jistgħu jiġu kkonfigurati skont il-preferenza tal-lingwa.
- Id-dħul fil-mużew u l-attivitajiet tiegħu huma bla ħlas.
- Kull tablet jista' jiġi adattat b'siltiet speċjali għall-istudenti u t-tfal, u hemm ukoll softwer ta' awdjo awmentat għal viżitaturi bi ħtiġijiet speċjali tas-smigħ. Il-persunal huwa disponibbli f'kull livell f'każ li jkollok bżonn l-għajnuna.
- Barra minn hekk, fl-ispazju tad-daħla għal Dar l-Istorja Ewropa ssib fuljett stampat b'sommarju qasir tal-Wirja Permanenti, u tista' wkoll tniżżlu minn qabel elettronikament. Tista' tniżżel ukoll ktieb ta' gwida aktar dettaljat, u dan il-ktieb tista' wkoll tixtrih fil-post.
- Żjara f'Dar l-Istorja Ewropea tieħu madwar 90 minuta.
- Gruppi ta' 10 persuni jew aktar jeħtieġu jibbukkjaw iż-żjara tagħhom minn qabel.
- Jekk jogħġbok innota li l-mużew huwa tipikament aktar mimli waranofsinhar. Il-viżitaturi jistgħu jħossuhom aktar komdi u jkollhom aktar spazju biex jesploraw il-mużew fil-ħinijiet tal-ftuħ ta' filgħodu.
- Il-viżitaturi u l-basktijiet kollha jistgħu jsirulhom kontrolli tas-sigurtà bħalma jsiru fl-ajruporti qabel ma jitħallew jidħlu. L-armi tan-nar, is-sustanzi splussivi jew fjammabbli, l-isprays tal-bżar, oġġetti li jaqtgħu u oġġetti oħra li jistgħu jitqiesu bħala armi huma pprojbiti. Skont il-leġiżlazzjoni nazzjonali Belġjana, ċerti oġġetti pprojbiti jistgħu jingħataw lill-pulizija. Jista' jintalab dokument tal-identità validu (karta tal-identità, passaport jew liċenzja tas-sewqan) sabiex jinkiseb aċċess għal Dar l-Istorja Ewropea.
- Il-fotografija u l-iffilmjar huma pprojbiti fiż-żoni ta' sigurtà.
- Huma biss il-gwidi awtorizzati minn Dar l-Istorja Ewropea li huma permessi jmexxu l-gruppi fil-bini.
- Għal raġunijiet ta' konservazzjoni tal-mużew, fis-swali tal-wiri tagħna nużaw l-arja kkundizzjonata biex it-temperatura tinżamm taħt l-20 grad. Ara li l-ilbies li jkollok fuqek ikun biżżejjed għal dan l-ambjent aktar frisk, partikolarment jekk it-temperatura ta' barra tkun għolja.
- L-indirizz taż-żjara tal-mużew huwa: Dar l-Istorja Ewropea, Rue Belliard 135.
- L-indirizz postali tal-mużew huwa: Dar l-Istorja Ewropea, Parlament Ewropew, Rue Wiertz 60, 1047 Brussell.
FAĊILITAJIET
Dar l-Istorja Ewropea fiha kabinetti li jissakkru, u hemm vestjarju u faċilitajiet fejn dak lli jkun jista' jbiddel lit-trabi.
MUŻEW GĦAL KULĦADD
Dar l-Istorja Ewropea hija mużew għal kulħadd. Il-faċilitajiet u l-attivitajiet kollha tagħna huma aċċessibbli għal min juża s-siġġu tar-roti. Il-fatt li naħdmu flimkien ma' gruppi u komunitajiet differenti jirrappreżenta aspett fundamentali tal-attivitajiet tal-mużew. L-għan tagħna hu li nilħqu lil nies straordinarji kemm fil-qrib kif ukoll fil-bogħod bis-saħħa ta' żjajjar imfasslin apposta u programmi speċifiċi. Toqgħodx lura milli tibagħtilna t-talbiet speċifiċi tiegħek; aħna nagħmlu ħilitna kollha biex il-mużew tagħna nagħmluh aktar aċċessibbli. historia-learning@europarl.europa.eu
KIF TASAL HAWN
(Telefon: +32 2 283 1220)
Rue Belliard / Belliardstraat 135, 1000 Brussell, Il-Belġju
L-indirizz postali huwa: House of European History, European Parliament, Rue Wiertz 60, 1047 Brussels.
