Back to top

PREASEISIÚINTÍ

“Fake for Real” – Osclófar taispeántas sealadach nua in Áras Stair na hEorpa

24 DF 2020

Osclóidh Áras Stair na hEorpa, atá suite i bPáirc Léopold sa Bhruiséil, a dhoirse do thaispeántas nua sealadach, ‘Stair an bhrionnaithe agus an fhalsaithe’ an 24 Deireadh Fómhair 2020. Trí Iniúchadh a dhéanamh ar dhomhan fíorspéisiúil an bhrionnaithe, na nithe bréige agus na mbréag, treorófar cuairteoirí trí scéal drámatúil ón seansaol go dtí an lá atá inniu ann.

Le taispeáint seiftiúil scáthán ag an mbealach isteach agus turas i gcathair ghríobháin tríd an taispeántas leagtar síos ton na cuairte láithreach: conas a dhéanaimid an fhírinne a aimsiú nó a sheachaint? Conas a imrímid le seachmaill? Iarrtar ar chuairteoirí machnamh a dhéanamh ar an gcaoi a gcuirtear bréaga in iúl agus cad chuige na bréaga sin. Mar a mhíníonn coimeádaí an taispeántais Joanna Urbanek :. Ní mór dúinn a bheith ar an eolas go dteastaíonn uainn uaireanta a bheith meallta, chun dul lasmuigh d’ár saol laethúil, a bheith ag brionglóideach. Is tréith dhaonna glacadh le nithe bréige áirithe, Ach is féidir teacht i dtír ar an gclaonadh sin agus bíonn iarmhairtí an-tromchúiseach aige.

Eagraithe timpeall ar shé théama agus ar fhéilire croineolaíoch, cuirtear ar fáil taispeántas saibhir de níos mó ná 200 réad suaithinseach ó gach cearn den Eoraip. Le bunús an-éagsúil, insíonn gach ceann acu scéal spéisiúil ag baint leis an bhfalsú agus an meabhlaireacht: ó ainmneacha na n-impirí Rómhánacha a scriosadh ó chuntais oifigiúla, beathaisnéisí ionramháilte na naomh meánaoiseach nó na scéalta taistil nach ndearnadh riamh — go dtí arm bréige a d’úsáid na comhghuaillithe sa Dara Cogadh Domhanda. Cuimsíonn siad freisin cáipéisí a bhfuil tábhacht chriticiúil leo inár stair mar Bhronntanas Constantine agus na litreacha a úsáidtear chun Dreyfus a chúiseamh, iad go léir ag léiriú conas is féidir le mothúcháin agus creidimh phearsanta tionchar a imirt ar an gcaoi a dteastaíonn uainn an domhan a thuiscint, nó é bréagléiriú a dhéanamh air d’aon ghnó.

Scrúdaítear an chumarsáid faoi COVID-19 agus an mhífhaisnéis a bhaineann leis sa taispeántas reatha agus nuashonraithe seo. Meabhraíonn an “mífhaisnéim” go tráthúil go mbíonn fírinní agus bréaga ag scaipeadh i gcónaí agus go bhfuil smaointeoireacht chriticiúil agus gníomh cathartha ina gcaomhnóirí luachmhara i gcoinne meabhlaireachta. Is é atá sa chuid dheiridh den taispeántas, dar teideal ‘Ré na hIarfhírinne?’ Spás idirghníomhach atá líonta le cluichí agus físeáin inar féidir le cuairteoirí a bheith ina seiceálaithe fíricí, cinneadh a dhéanamh ar an méid a fhoilsítear, agus imirt le ‘scagaire boilgeog’ nuálach a dhéanann scrúdú ar conas a fheidhmíonn na meáin shóisialta.

Turas amharclainne trí chúiseanna, tionchar agus nochtadh nithe góchumtha, is taispeántas tarraingteach é seo a thugann léargas ar an am atá caite, ar an lá atá inniu ann agus an todhchaí, ina gcastacht agus ina gcontrárthachtaí uile. Beidh sé ar siúl ón 24 Deireadh Fómhair 2020 go dtí an 31 Deireadh Fómhair 2021 in Áras Stair na hEorpa, 135 Belliard, an Bhruiséil.